بەگوێرەی لێکۆڵینەوە زانستییەکان، هەشت نیشانە لە هەر گەنجێکدا هەبن، دەرخەری ئەوەن، کە ئەو کەسە زووتر پیر دەبێت و، پێویستە زیاتر گرینگی بە تەندرووستی خۆی بدا.
نیشانەکان:
1 – ڕووتانەوەی قژ و سپی بوونی مووەکان، هەرکەس پێش تەمەنی 40 ساڵی تووشی ڕووتانەوە و سپی بوونی قژ بوو، ئەوا زووتر لە تەمەنی خۆی پیر دەبێت و، پێویستە زیاتر ئاگاداری خۆی بێت، بەتایبەت لە خواردنەکاندا.
2 – لاوازبوونی ماسولکە، ئەگەر کەسێک توانای بەرزکردنەوەی 13 کیلۆگرام قورسایی نەبێت، ئەوا تووشی لاوازی ماسولکە بووە و نیشانەیەکە بۆ زووتر تەواوبوونی تەمەنی گەنجی، بۆیە پێویستە ئەو کەسانە زیاتر گرینگی بە وەرزشکردن بدەن.
3 – درووستبوونی پەڵەی سوور لەسەر پێست، کە ئاماژەیەکە بۆ کەمی ئەنزیم و ڤیتامینەکان لە جەستەدا، بەردەوامبوونی ئەوەش زووتر مرۆڤ پیر دەکا و پێستیش تێکدەدا.
4 – چرچ و لۆچی، ئەگەر لە کەسانی هاوتەمەنی خۆت زیاتر چرچی ڕووخسارت هەبوو، ئەوا کەسێکی زووتر پیریت لێ دەردەکەوێت.
5 – کەمبوونەوەی ئارەزووی چوونە دەرەوە لەگەڵ هاوڕێکانت و گەڕان و کەیف و خۆشی و بێزاربوون لە گاڵتەوگەپ، نیشانەی پیربوونە لە رووی رۆحییەوە، کە ئەوەش بە دڵنیایی کاریگەری لەسەر پیربوونی ڕوخسار و جەستەش دەبێت.
6 – قەڵەوبوون لەگەڵ تەمەندا، هەندێک کەس لە سەرەتای گەنجێتییەوە لاوازن و جەستەیەکی رێکیان هەیە، بەڵام ساڵ لە دوای ساڵ کێشیان زیاد دەکا، ئەوەش نیشانەیەکە بۆ ئەوەی کە زووتر پیرییان تێدا دەربکەوێت.
7 – خەوی کەروێشکی، ئەو خەوەیە کە ناتوانی بە قووڵی بخەویت و، بە درێژایی شەو چەند جارێک خەبەرت دەبێتەوە، ئەوەش دەبێتەهۆی زوو پیربوونی مرۆڤ.
8 – خاوبوونەوەی کردارەکانی ژیان، بۆ نموونە لە نان خواردن، لە رۆشتن، لە زۆرینەی کارەکانی ژیان خاو دەبیتەوە، کە ئەوەش نیشانەیەکی کەمبوونەوەی وزە و توانا و زوو پیربوونە.
