توێژینەوەیەكی ئێرلەندی ئاشكرایكردووە، نموونەیان لە 99 نەخۆشی تووشبوو بە شێرپەنجەی سوورێنچك وەرگرتووە، 27%یان دەڵێن تووشی نزگەرەی بەردەوام بوون.
تۆماس واڵش توێژەر دەڵێت: نزگەرە نیشانەی ناسینەوەی شێرپەنجەی سوورێنچك نەبووە پێشتر، ئەمە پێویستی بە لێكۆڵینەوەی زۆرترە.
بەپێی توێژینەوەكە 68%ی تووشبووان كێشیان لە دەستداوە و نیشانەی دیكەشیان هەبووە.
نزگەرە لە ئەنجامی گرژبوونی كتوپڕی ماسوولكەی بەربەستی نێوان سك و سینگ درووست دەبێت و، بارێكی ئاساییە لە ئەنجامی خواردن و خواردنەوەی خێرا، یان خواردنەوەی غازی، یانیش زێدەڕۆیی لە خواردندا درووست دەبێت، بەڵام هێندێك جار دەبێتە نیشانەی نەخۆشی دیكە، بۆیە دەكرێت نیشانەیەكی شێرپەنجە بێت، كاتێك گەدە بە شێوەیەكی ئاسایی كاری خۆی ناكات و، كاریگەری لەسەر ئەو ماسولكەیە درووست دەكات
