عومەر ئەلیاسی…
بە پێی ڕاگەیندراوی ڕێکخراوی تەندروستی جیهان WHO لە سەرەتای ساڵی 2020 هەتاکوو کۆتایی مانگی پێنجی 2021 180 هەزار کارمەندی بەشی تەندروستی لە جیهان بە هۆی پەتای کۆرۆناوە گیانیان لە دەست داوە. بەرپرسی ڕێکخراوەکە دەڵێت کارمەندانی بەشی تەندروستی دەبێت یەکەم کەس بن کە ڤاکسینی کۆرۆنا وەرگرن هەروەها بە داخبوونی خۆی دەربڕی کە ڤاکسینی کۆرۆنا بە دادپەروەرانە دابەش ناکرێت بە سەر هەموو وڵاتانی جیهاندا و لە نێویشیاندا وڵاتانی دەستڕۆیشت و زیاتر ڤاکسینیان وەرگرتوە هەتاکوو وڵاتانی هەژار.
ڕێکخراوی تەندروستس جیهانی World Health Organization کورتکراوەی WHO تەزگایەکی تایبەتی سەر بە نەتەوەیەکگرتووەکانە و دەزگایەکی هاوکارە لەسەر تەندروستی گشتی نێودەوڵەتی. ڕێکخراوەکە لە ساڵی1948 دامەزراوە و نووسینگەکەی لە وڵاتی سویسرای شاری ژنێڤە.
