گۆیژ یا (گێوژ)، بەری دارگۆیژە، دارێکی خۆڕسکە و لە تیرەی گوڵ سوورەکانە، لە پایزاندا بەرەکەی پێ دەگا.
لە کوردستاندا دوو جۆری گۆیژ هەیە، (سوور و زەرد)، دارگۆیژ دارێکی دڕکدارە و گوڵەکانی سپین.
بەرێک دەگرێ تۆزێک لە نۆک گەورەتره و پاییز درەنگان پێ دەگا.
لە نێو بەرەکەشیدا چەند دانە ناوکی رەق ھەیە، کە وەرزی پایز دەست پێدەکات، هەمووان بیرمان بۆ خواردنی گۆیژ، هەنار، گوێز و چەندین بەرهەمی دیکەی پایزە دەچێت، هەریەک لەم بەرهەمانەش لەگەڵ تام و چێژە تایبەتەکەی، چەندین سوودی بۆ تەندرووستی جەستەمان هەیە.
ئەمانەی خوارەوە بەشێک لەو سوودانەیە کە لە پێکهاتەی گۆیژدا هەیە و، ناکرێت ئەم وەرزە تەواوبێت و گۆیژت نەخواردبێت:
-گۆیژ دەوڵەمەندە بە دژەئۆکسیدەکان و ئەگەری توشبوون بە شێرپەنجە و نەخۆشییەکانی دڵ کەمدەکاتەوە
-دژە هەوکردنە و ئەندامەکانی جەستە لە هەوکردن دەپارێزێت
-پەستانی خوێن دادەبەزێنێت
-چەوری خوێن کەمدەکاتەوە
-یارمەتی باشتر کارکردن کۆئەندامی هەرس دەدات
-ڕێگری لە هەڵوەرینی قژ دەکات
-قەلەقی و دڵەڕاوکێ کەمدەکاتەوە
-ئەو کەسانەی هەوڵی دابەزاندنی کێشیان دەدەن، دەتوانن لە سیستمی خۆراکیان دا گۆیژ دابنێن
