هەوای پیس بە شێوەیەکی نەرێنی کاریگەری لەسەر سپێرمەکانی پیاوان هەیە، توێژەرانی ئەمەریکا لە نوێترین دۆزینەوەی دەرهاویشتەکانی هەوای پیس بۆ تەندرووستی مرۆڤ، بەو ئامانجە گەیشتوون.
توێژینەوەی زانستی دەریخستووە کە پیسبوونی هەوا مەترسی هەندێک نەخۆشی زیاد دەکات، لە قەڵەوییەوە تا شەکرە.
ئەوەی نوێیە توێژینەوەیەکی توێژەرانی قوتابخانەی پزیشکی زانکۆی ماریلاندە، کە دەریخست پیسبوونی هەوا بە هۆی درووستبوونی ئەنفۆڵیتەوە، سپێرمی پیاو کەم دەکاتەوە.
توێژەری پێشەنگی توێژینەوەکە، سایکینگ یینگ، گوتی: “دۆزینەوەکانمان دەریخستووە، کە ئەو زیانانەی بەهۆی پیسبوونی هەواوە بەلایەنی کەم دەبێتە هۆی دابەزینی ژمارەی سپێرم، دەکرێت بە لابردنی هەوکردن لە مێشکی مشکەکان چارەسەر بکرێت”.
ئەوەشی گوت کە نیشانی دەدات زانایان دەتوانن چارەسەرییەکان پەرە پێبدەن و دەتوانن ئەم مەترسییە کەم بکەنەوە، یا بەتەواوی چارەسەری بکەن.
توێژینەوە نوێیەکە بەشێکە لە هەوڵە زانستییەکان بۆ تێگەیشتن لە هۆکارەکانی دابەزینی ژمارەی سپێرم لە پیاوان، کە لەم ساڵانەی دواییدا بۆیان دەرکەوتووە.
لە توێژینەوەکەدا هاتووە: نزیکەی 92٪ ی دانیشتوانی جیهان لەو ناوچانە دەژین، کە ئاستی پاکوخاوێنی لە هەوادا بە ئەندازەی کەمتر لە 2.5 مایکرۆمتەرە لە کەمترین ستانداردی سەلامەتی، کە ڕێکخراوی تەندرووستی جیهانی دایناوە، تێپەڕیوە.
پیسبوونی هەوا دەتوانێت لە ڕێگەی ئوتۆمبێل، بڵاو کەرەوەی کارگەکان، ئاگری دارستان زیاتر بێت.
