Îro în Boris Johnson Serok Wezîrê Brîtanya pêşwaziya Nêçîrvan Barzanî Serokê Herêma Kurdistanê li Londonê kir û di hevdîtinê de hejmareke mijarên li dor peywendî yên Berîtaniya û Kurdistanê hatin guftûgo kirin.
Di civînê de Serok Wezîrê Berîtanya xweşhaliya xwe bi pêşwaziya Serokê Herêma Kurdistanê derbirî û spasî serdana xwe ya Londonê kir, her wiha dûpat kir ku Berîtanya bi girîngiyê ve li peywendiyên xwe yên li gel Herêma Kurdistan û Iraqê dinêre û ew peywendiyên sîh sal berê bi damezrandina navçeya nefirîna li navbera Herêma Kurdistan û Brîtanya da dirust bûn, dimînin û dakokiyê li berdewamiya pêgiriya Brîtanya bi piştgîrî û bihêzkirina peywendiyan kir.
Li gorî ragehandina serokatiya herêma Kurdistanê, Johnson tekez li wê yekê kir ku peywendî dîrokî ne û divê bêne bihêztir kirin bi taybetî li warê aboriyê da, ji bo eve jî derfeteke baş heye û xwazyarin danustandin û serdana şandên her du aliyan zêdetir bikîn. Her wiha xwesta xwe ya ji bo serdanîkirina Hewlêrê nîşan da û got: Bîranînên minên xweş yê wê serdana min heye. û spasî Serok Nêçîrvan Barzanî kir ji bo wê rola li çareserkirina kêşeyan li Iraq û bi navê aramiyê da dibîne.
Ji aliyê xwe ve Nêçîrvan Barzanî serdana Londonê û civîna li gel Boris Jhonson bi dilniyaker û girîng ya ji bo pêşxistina peywendiyan da zanîn bi taybetî piştî wan pêşhatên li navçeyê da hatine holê, her wiha spasî Serok Wezîr û Hikûmeta Brîtanya û Hevpeymanan kir ji bo piştgîriya siyasî û serbazî û miroviya li Iraq û Herêma Kurdistanê û xwesta pêşxistina bi hemû warên alîkariya li gel Brîtanya dûpat kir, bi taybetî jî li warê aborî û veberhênanê da ku derfeteke baş heye.
Di derbarê peywendiyên Hewlêr – Bexda û kêşeyên helawestiyên navbera wan jî Serok Nêçîrvan Barzanî balkişand li ser berdewamiya guftûgo û hebûna keşûhewayeke erênî ya li gel Hikûmeta Federaliya Iraqê kir û tekez li wê yekê kir ku Herêma Kurdistanê xwazyar û amadeye hemû kêşeyan li ser bingeha destûrê çareser bike.
Tê zanîn di herdû rojên derbasbûyî de, serokê herêma Kurdistanê û şanda pêşre hejmarek hevîdtin bi berpirsiyar û diplomatkartên wî welatî encam dabûn, û li gorî çavdêran, ev yek jî nîşana bihêzbûna peywendî yên herdû aliyane.
