ئارام دھۆكی – كەنەدا
ھەرچەندە بۆ دەمێ گەلەك سالانە رەڤەندا كورد و پارتا كونسێرەڤەتڤ ل كەنەدا پەیوەندیەك بەردەوام ھەبوویە، لێ چەند دەم دچیت، ئەڤ پەیوەندیە خورتر دبیت. ھەلبەت دبیت پتر ژ چەند ئەگەرا ھەبن لێ ئەمێ دەسنیشنیا چەندەكێن گرنگ بدەین د ڤێ گووتارا خۆدا.
كونسێرڤەتڤ پارتەكا دێرین و ببزاڤا كەنەدا ھەر ژ بئاڤا بوونا ڤی وەلاتی، ئەڤ پارتە گەر بێخیە د چارچێوەكێ تەرازیا سیاسیدا وەسا خۆیا دبیت كو پارتە گەلەك ل مللێ راستێ دكەڤە و چەپا كەنەدا یا بھێز لڤی وەلاتی د بیتە پارتا لیبرال یا كو نووكە لسەر حكمی بسەروكاتیا جەستن ترودو. بھەستا من ئەگەرا ھەرا سەرەكی ئەوە كو ھندی پارتا كونسێرڤەتڤە دخازە سیاسەتا دەرڤە تلێن خۆ بكە دنافرا و كەنەدا رۆلەك مەزنتر ھەبە د ھاوكێشێن سیاسیدا بەرۆڤاژیا پارتا لیبرال كو پتر د خازە پیتەی بناڤخۆیا كەنەدا بدە ھەوقا مایي خۆ د سیاسەتا دەرڤە یا جیھانێ نەكە. لەوان دەما ستیڤن ھارپەر كو سەروكێ كونسێرڤەت بوو د شەرين داعشێ و عێراقی و ئەڤغانستانێ و گەكێن دی. گەلەك بوێرەكی خۆ دھاڤێیتە ناڤ ھاوكێشێن سیاسیدا و سەرەدانا گەلەك جھان ژ دنیایي كر و ھێز و ھاریكاریان بۆ وان ھەڤالبەندێن خۆ فرێكە، ھەلبەت ھەر دەما پارتا كوماری لسەر حكومێ ئەمریكا بوویە و كونسێرڤەتڤ ل كەنەدا بوویە ئەوان ھەردووان گەلەك ژ نێزیك دگەل ئێك كار كریە بۆ ھەڤالبەندیەكا ھەڤبەش د كاودانادا. ئێك ژ وان ولات و جھێن پیتە پێدای كەنەدا ل شەرێ داعشێ ل سەردەمێ حكوومرانیا كونسێرڤەتڤ كوردستان بوو. نەتنێ پەیوەندی دروستكرن ل سەر ئاستێ نزم بەلكو سەروك وەزیران و وەزیرێ بەرگریێ سەرەدانێت كوردستانێ كرن و پشتەڤانیەك مادی و لوجستی بۆ كوردان تەرخانكر. ژ ئالیەك دنڤە مللەتێن رۆژھەلاتا ناڤین تایبەتی عەرەب و فارسان ھەڤالبەندیەكا دووم درێژ ل كەنەدا دگەل پارتا لیبرال دروستكریە ھەلبەت ژ بەر كو ئەو ھەردوو مللەت ناكووكن دگەل كوردان و زوو بزوو پیتەی ب ھەست و بزاڤا كوردان ناكەن، ژ بەر ڤێ ئەگەرێ ھەم رەڤەندا كورد و ھەم پارتا كونسێرڤەتڤ ل بەدیلەكی دگەران كو بووشایا ھەردوولایەن پربە، دەما ژ مارا كوردان زێدەبین د سالێن دوو ھەزاران و پێھەل ل كەنەدا ڤێ پارتێ ب ھەل دیت كو ئەڤێ كومێ ژ خو نە كەن خۆ نێزیك بكەن و برێكان وان دەنگان بینن و پێیەك پاڤێژن ناڤ جیھانا رۆژھەلاتا ناڤین. پشتی پێگەھشن و چێبوونا زەمین سازیێ بۆ ھەردوو ھەولا. ئەندام پەرلەمانێت ڤێ پارتێ خۆ نێزیكرە ڤە ل كەساتیێن چالاك و ببزاڤ دناڤا رەڤەندا كوردان دا ل تورنتو، كەلگاری و ڤانكوڤەر…..ھتد. یا كو ژ ھەمیان بەرچاڤتر ئەوبوو دەما پەرلەمانتار تۆم كومیك بانگەوازا ئاڤاكرنا رێكخراوەكێ كری دناڤ پەرلەمانێ كەنەدا دا د گووتنێ (رێكخراوا پەرلەمانتارێن كەنەدا و كوردستانێ) ل سالا 2016 ێ. ھەرچەندە حكوومەتا ھەرێمێ گەلەك ڤەما ڤان پەرلەمانتارا بنیاسە و پیتە پێ بدە لێ لد یماھیي بھەڤكاریا ماندوو نەناسێن چالاكڤانێت كورد فشار ئێخستە سەر لایێ كوردان كو ڤێ پێنگاڤێ پیتەی پێ بدەن. ئێدی ئەوبوو كو نڤیسانگەھا واشنتون یا كوردان پەیوەندی دگەل رێكخستن و بەرەڤ گەشەبوونێ چوو. نووكە د ئەڤ سالەدا گەلەك برەنگەك بەرچاڤ ئەندام پەرلەمانتارێن كەنەدی د بیرەوەریين نەوروز و ھەلپچێدا گەلەك بەرفرە دگەل كوردان بەشدار بوون و پشتەڤانیا خۆ بۆ كوردان دیاركر وەكو مللەت چەوساوە و پێتڤیە كەنەدا پتر گرنگیي ب داخاز و كێشێن كوردا بدەت ل رۆژھەلاتا ناڤین. نە تەنێ ئەڤە بەلكو سەرۆكێ وان یێ نوو پریەر پۆلیڤەر گووتارەک تایبەت بۆ کوردان فرێکر بهەلکەفتا نەورۆزێ، ئەو ژی بوو ئەگەرێ تێكچوونا گەلك ژ فارسان و نە رازیبوون بڤێ پەیڤێ و رەخنە لوان گرتن كانێ بۆچی تەنێ پیروز باھی بۆ كوردان كریە كە چی نەوروز جەژنەكا فارسیە بەری یا كوردان بە.
بمن وەسان خۆیا دبیت بزێدە بوونا كوردان ل كەنەدا و خۆرت بوونا چالاكیين كوردان بتایبەت د ئەڤ سالەدا پشتی بنگەھێن مالێن كورد و دیاسپورا كاركرین یێن بەر چاڤ و پیتەدانا حكوومەتا ھەرێمێ بپیەوەنیدیان و رێكخستنا گەشتەكا چەندین پەرلەمانتارێن كەنەدی بۆ كوردستانێ ل ھاڤینا چووی و گەلەكێن دی ھەموو ئەگەرن كو پەیوەندیا كوردان و پارتا كونسێرڤەتڤ بەرەف گەشەبوونێڤە بچیت.
