ئاشتی گەرمیانی .. هۆڵەند…
زۆر بە شانازی یەوە مرۆڤ دەتوانێت بڵێت خەباتگێڕی کوردستان بەڕێز عەبداللەی حاجی محموود لە بەر ژیانی سیاسی وخەباتی خانەوادەکەیان لە دەستپێکی شۆرشی نوێ و دەستپێکی شۆڕش نەیتوانی قۆناغی خوێندن تەوا بکات ، بۆیە ڕووی لە چیاکانی سورێن کردو بوو بەپێشمەرگەیەکی حزبی سوسیالیست دیموکراتی کوردستان ، لە دوای ڕاپەڕینەوە ئەو هەلەی بۆ ڕەخسا کە درێژە بە خوێندنەکانی بدات ، بێ ئەوەی بەدوای واسیدەو تەکلیف و تەکلیف کاری بکەوێت ، بەهێزی خۆی وە بە توانای خۆی .. ئەو پلانەی بڕی تا گەیشتۆتە قۆناغی ١٢ ی وێژەیی.. لە چەند ماڵپەڕو ئەکاونتێکی لاوازو دژ بە کۆمەڵایەتی کوردستان کە هەروەك پیشەیان بووە بۆ بچووك کردنەوەی کەسایەتی یەکان ، ئەم جارەیان ڕووی دەمیان لە جەنابی وەزیری شەهیدان و ئەنفالکراوان کردوە کە لە قۆناغی ١٢ وێژەی دەرنەچووە ! ئیدی لەژیر ئەم هەواڵەدا دەیانەوێت ڕێز لە کابینەو حوکمڕانی کوردستان و دەسەڵات بگرن بە شێوازێكی جیاواز . وە دەیانەوێت لە چالاکی و خەباتی ئەو مرۆڤانە کەم بکەنەوە .. بەڵام ..
نە عەیبەو نە عارە مرۆڤ حەز بە خوێندن و درێژە بە زانستەکانی بدات .. وە واتای ئەوە نی یە کە مرۆڤ هەنگاوێك بچێتە پێشەوە یان بۆ دواوە .. گرنگ درێژە دانە بە زانست و خوێندن .. ئیدی خۆ نیوەی کوردستانم خۆ بەدوای واسیدەو پلەو پایەدا دەگەڕێن ! بێ ئەوەی ماندوو بن .. تەنانەت لە مووچەی قاچاخیش دەگەڕێن .. ٧ مووچەیان هەیەو دژی دەسەلاتی حکومەتی هەرێمی کوردستانن وە دەیانەوێت دوژمنی دوژمن حوکمڕانیان بکات ، بێ ئەوەی چاو لەو هەموو شەهید و زیندانی سیاسی و ماڵ وێرانی یە بکەنەوە ،
بۆچی سەیرە وەزیرێك یان پەرلەمانتارێك هەوڵێ خۆی بدات لە بواری خوێندن و زانست ! لەکاتێکدا زۆر کەسایەتیمان بینیوە تەنها دەچنە تاقی کردنەوەکان و بەپلەی نایاب دەردەچن .. بۆچی کەسێکی ترمان نەبینی دەرنەچوو ؟ .. پێیان سەیرە .. نە من وە نەکەسی تر ناتوانێت مێژووی قارەمانێتی پێشمەرگەیەك بسڕێتەوە ، ئەوەی گەورەیی ئەو وەزیرەیە کە توانیوێتی بەهەوڵ و کۆششی خۆی کار بکات و فێری زمان و خوێندن و ووڵات بەڕێوە بردن بێت .
جەنابی عەبداللەی حاجی محموود دەڵێت ((سەرەتا پیرۆزبایی لە گشت دەرچوانی قۆناغی ۱۲ ی ئامادەیی دەکەم و هیوادارم سەرکەوتووبن لە گشت قۆناغەکانی خوێندندا .
لە ڕابردوودا بەهۆی خەباتی پێشمەرگایەتیم نەمتوانیوە قۆناغەکانی خوێندن لەکاتی خۆیدا تەواو بکەم، لەئێستادا وەک هەر خوێندکارێکی کوردستان درێژەم بە خوێندن داوە و لە قۆناغی ۱۲ی وێژەییم
سەبارەت بەو هەواڵانەی لە چەند پەیج و ماڵپەرێک بڵاوکراونەتەوە لەسەر قۆناغ و بەشی خوێندن و نمرەکانم دورن لە راستییەوە
لێرەشەوە هانی هەمووان دەدەم لە هەر تەمەنێکدان گرنگی بەخوێندن و برەو بە تواناکانیان بدەن .
ئومێدی سەرکەوتن بۆ هەمووان دەخوازم .
زۆر گرنگە کۆمەڵانی خەڵکی کوردستان بەتایبەتی ئەو ڕاگەیاندکارانەی کەلە نێو تۆڕە کۆمەڵایەتیەکان خۆیان بە پیشەیی دەزانن وە شارەزای ڕاگەیاندنن گرنگی بە هەواڵی تەندروست بدەن نەوەك بەدوای لەکە دار کردنی کەسایەتی و وەزیرو پەرلەمانتاری کوردستانەوە کە دڵسۆزی خاك و نیشتیمانن . لە کۆتادا ئەوەی کە گرنگە پێویستە کورد کۆمەڵگایەکی پێشکەوتوو بێت نەك خۆیان بچووك بکەنەوە لەو هەنگاوانە .
