Di roja 19/12/2022´an de polêsên tirk, li Diyarbekirê avêtin ser avahîyên partiyên Kurdistanî. Pêşî avêtine ser avahiya Partiya Sosyalîsta Kurdistan PSK, alayên ku li avahiyê hatibûn daliqandin, daxistin xwarê û nêzî 70 alên Kurdistanê û tevî kompîtorên wan hildan birin. Bi heman şîweyî avêtin ser avahiya Partiya Azadiya Kurdistan PAK û Hereketa Azadî, li wir jî alên Kurdistanê dane hev û kadirek ji Hereketa Azadiyê jî binçav kirin.
Em vê erîşê ne tenê li partiyên Kurdistanî dibînin, her erîşek ku li hêjayiyên Kurd dibin, wek erîşek li li kurd û Kurdistanê dinirxînin.
Konferderasyona Revenda Kurdistanî, erîşa li ser ala Kurdistanê û li ser avahiyên partiyên Kurdistanî li Kurdistana Bakur, bi tundî şermezar dikin.
20.12.2022
