Wezîrê Koçberiyê yê Swêdê Anders Ygeman diyar kir ku hikûmet dixwaze qanûna penaberan bişidîne, penaberên ku li kampan nejîn nikarin bixebitin.
Li gorî Radyoya Swedê, Wezîrê Koçberiyê pêşniyar kiriye ku ew ên serlêdana penaberiyê dikin divê di kampên koçberan de bijîn an jî cihekî ku ji aliyê dezgehên koçberan ve hatiye destnîşankirin, da ku mafê wan ê karkirinê hebe.
Li gorî pêşniyara nû, her penaberekî ku ne li kampan be, li mala kesekî yan jî ji xwe re cihek peyda kiribe, êdî mafê kar nayê dayîn, wê mafê xebatê tenê ji bo penaberên ku li kampa penaberan in, an jî cihên ku saziyên koçberiyê diyar kirine dijîn bê dayîn.
