Îro pêncşemê 18.11.2021an biryar hatiye dayîn ku yekem karwana koçberan bi geşteke taybet ya asmanî vegerine Firokexaneya Bexdayê.
Ew koçberên ku ji Iraq û Herêma Kurdistanê ne, bi firokeyeke taybet ji Mînsk a paytexta Belarûsê vedigerine Firokexaneya Bexdayê û pişt re jî wê vegerin malên xwe.
Berdevkê Wezareta Derve ya Iraqê Ehmed Sahaf, roja Pêncşemê diyar kiribû ku wan şert û mercên vegera 430 koçberan amade kiriye ji bo Iraqê û Herêma Kurdistanê.
Li gorî nûçeyên çapemeniya Iraqê, îro danê sibê firokeyeke Iraqê ji Firokexaneya Bexdayê ber bi Firokexaneya Mînsk a paytexta Belarûsê ve firiya.
Bi hezaran koçberên ne qanûnî ku beşek ji wan ji Herêma Kurdistanê ne, hewl didin ji Belarûsê derbasî Polonya bibin lê hêzên leşkerî û ewlekariyê yên Polonyayê rê li ber wan digirin.
Belarûs a hevpeymana Rûsyayê, pirsgirêka penaberan wek çekekê li dijî Yekîtiya Ewropayê bi kar tîne ku Polonya endamê wê ye.
