Roja Pêncşemê Yekitiya Ewropayê ragihand ku dê roja Duşemê xûla heştema guftûgoyên di derbareya peymana atomiya Îranê ya sala 2015 de dest pê bikin.
Ajansa fermî ya nûçeyan a Îranê belav kiriye ku dê roja duşema 27.12.2021an Komîteya Hevbeş kom bibe û planeke hevbeş a berfireh pêk bîne. Nûnerên Fransa, Brîtanya, Çîn, Rûsya, Almanya û Îranê jî amade bin.
Tê payîn ku beşdarvan li ser îhtîmala vegera Amerîkayê ya ji bo hevpeymana atomî ya Îranê nîqaş bikin û çawa hemû aliyan di pêkanîna hemû peymanan de mîsoger bikin.
Li ser vê mijarê berpirsa bilinda Yekitiya Ewropayê Enrîkî Mora di civînan de got: Pêwîst e em lezê bikin ji bo çareserkirina kêşeyên hikûmî û gavekê ber bi pêş ve biçin. Her wiha nûnerê Rûsî jî li ser mijarê ragihand: Xebat û berdewamkirina gotûbêjan ji bo betlaneya sersalê nîşana wê yekê ye ku tu alî naxwaze demê xerc bike.
Hêjayê gotinê ye ku John Biden Serokê Amerîkayê berî niha ragihandibû û gotibû, Amerîka amade ye sizayên ser Îranê rake lê divê Îran pabendî peymana atomî be lê Îran dixwaze piştrast be ku hêngava yekem ji aliyê Amerîka ve be.
