بەبۆنەی 53ەمین ساڵیادی بەیاننامەی 11ئازار کۆنفدراسیۆنی ڕەوەندی کوردستانی ڕایدەگەیەنێت ،کە ڕێککەوتننامەی 11ئازار ساڵی 1970لە ئەنجامی خۆراگری و تێکۆشانی هێزی یەکگرتوی پێشەمەرگەکانی کوردستان بوو ،کە بەسەرۆکایەتی مەلا موستەفای بارزانی توانیان حکومەتی ئەو دەمەی عێراق بەناچاری لە چوارجێوەی پرۆتۆکۆلێکی یاسایی دان بەمافەکانی نەتەوەی کورد دابنێن و لە نێوەندەدا چوارساڵ ئاشتی لەناوچەکە بەرپابوو و ڕێخۆشکەر بوو کە مافی ئۆتۆنۆمی بۆ مییللەتی کورد بەدەستبهێنێت
بەیاننامەی یانزەی ئازار بەرهەمی شۆڕش ئەیلول بوو کە بەسەرۆکایەتی مەلاموستەفای بارزانی و پارتی دیمۆکراتی کوردستان،کە لە پێشەکیەک و 11بڕگەیی ڕێککەوتننامەی نێوان شۆڕشی کورد و حکومەتی عێراق بوو ،
بەڵام دوا چوار ساڵ ئاشتی ،حکومەتی عێراق لە ڕێککەوتننامەکە پەشیمان بووە و لە ڕێککەوتنی شومی جەزائیر لەگەڵ ڕژێمی شایی ئێران بەهاوکاری ئەمەریکاو وڵاتانی تر شەڕ ناوچەکەی گرتەوە بۆماوەی نزیکەی سی ساڵ بەردەوامی هەبوو ،تالە کۆتایی گەلی کوردستان و شۆڕشەکەی بەسەرکەوتوی مانەوە و ئەوانیش بۆ زبڵدانی مێژوو چوون .
لەم ڕۆژەدا مێژووییەدا پێمان دەڵێت ،یەکگرتووی ،خاوەنی هێزی ئیرادەی گەلی کوردستان هەمیشە سەرکەوتودەبێت ،کۆنفدراسیۆنی ڕەوەندی کوردستانیش بەرهەمی یەکگرتووی و ڕێبازی کوردستانییە ،شوێنهەڵگری ڕێبازی کوردستانی و یەکگرتووی گەلی کوردستانە
ئەم یادەش سنبولی شۆڕشگێرانەی پێشمەرگەی کوردستان
هەرشەکەوەبێت ئاڵای کوردستان
نەمری بۆ شەهیدانی ڕزگاری کوردستان
بژی یەکگرتوی و سەربەرزی بۆ پێشمەرگەی کوردستان
کۆنفدراسیۆنی ڕەوەندی کوردستانی
11.03.2023
