ناوەندی ڕەوەندی كورد خزمەتگوزارییەكی دیكەی بەردەست كرد
لە درێژەی خزمەتگوزارییەكانی ناوەندی ڕەوەندی كورد بۆ ئاسان دەستگەیشتن بە زانیاری و چالاكییەكانی ناوەندی ڕەوەندی كوردلەدەرەوە، ھەردوو ئەپلیکەیشنی ئەندروید و ئای ئۆئێس بۆ ناوەند كارا كران.
لەم باریەوە، ھەورامان عەلی تۆفیق بەرپرسی بەشی ڕاگەیاندنی ناوەندی ڕوەندی كورد لە دەرەوە بە ماڵپەڕی (kurdishdc.org)ـی ڕاگەیاند: بەھۆی پێشكەوتنەكانی تەكنەڵۆژیا، بەردەوام پرۆژەكانی ناوەندی ڕەوەندی كورد نوێ دەكەینەوە بۆ ئەوەی بتوانین بە تەكنیكی نوێ و ڕێگای ئاسان كوردان بتوانن دەستیان بە خزمەتگوزارییەكانی ناوەند بگات.
ھەورامان عەلی دەشلێت: نوێترین خزمەتگوزاری ناوەندی ڕەوەندی كورد، كاراكردنی ئەپلیکەیشنێكە لە ھەردوو سیستەمی android و IOS كە بەكارھێنەران دەتوانن لە ڕێگای سمارت دیڤایزەكانیان خوێنەری ماڵپەڕی ناوەندن بن و گوێ لە ڕادیۆیی ڕوەند بگرن بە شێوەی ئۆنلاین.
ھەر لەم ئەپلیکەیشنەدا خزمەتگوزارییەكانی (من كوردم و بەكوردی دەخوێنم) كە دوو پرۆژەی درێژخایەنی ناوەندی ڕەوەندی كوردین، كاراكراون و ڕەوەندی كورد دەتوانن سودی لێوەرگرن.
