ئاشتی گەرمیانی .. هۆڵەند
لە ١٣ / ٢ / ٢٠٢٢ کاتژێر ٦ ئێوارە لە شارۆچکەی کلوندێرت ی هەرێمی براباند لە هۆڵەندا ، دەستەی بەڕێوەبردنی کۆمەڵەی کوردی موردایك کۆبوەوە ، سەبارەت بە ئامادەکاری ڕێکخستنی ئاهەنگی جەژنی نەورۆز کە کۆمەڵەی کوردی موردایك پێ هەڵدەستێت ، لە ڕابردوشدا کۆمەڵەی کوردی موردایك کەلە ساڵی ٢٠٠٥ وە دامەزراوە بۆ کۆکردنەوەی ڕەوەندی کورد و هۆڵەندی و پەیوەندی کەلتووری و ڕۆشنبیری ، هونەری ، چاندی و کەڵچەری ، ساڵانە چەندین چالاکی ئاهەنگەکانی سەری ساڵ و ڕۆژی ڤالانتاین و یادی بۆنە تایبەتیەکان و ئاهەنگی نەورۆزو ڕۆژی کیمیاباران کردنی هەڵەبجەو ڕۆژی ئازادی هۆڵەنداو پێشانگای گشتی هونەرمەندان و سیمینارو چالاکی تری جیاوازی بە ئەنجام گەیاندوە .
سەرەتا بەرپرسی کۆمەڵەکە شاعیرو نوسەر لەتیف عومەر کورتەیەکی باس کرد سەبارەت بە کارو چالاکییەکانی کۆمەڵەکەو پەیوەندییەکانی لەماوەی ڕابردوودا کە ئەمجامیان داوە ، دواتر خاتوو کاڵێ شێخانی سکرتێری کۆمەڵەکە ووتەیەکی پێشکەش کرد کە باس لە بەرنامەو پلانەکانی داهاتووی کۆمەڵەکە کرد بۆ زیاتر ناساندنی کەلتووری کوردی بە کۆـەڵگای هۆڵەندی ، پاشان ئەندامانی دەستەکە ڕوونکردنەوەو سەرەنجی خۆیان باس کرد لە خۆ ئامادە کردن بۆ ڕۆژی ئاهەنگی نەورۆز کەلە ڕیستیورانت ی کلوندێرت، کە تێیدا ئامادەکارییەکان باس کرا کەلەو ئێوارەیەدا ٢٠ / ٣ / ٢٠٢٢ ئاهەندگێکی کوردەواری و جەژنی نەورۆز ساز بکرێت و پیرۆز بکەن بە بەرنامەی ووتارو شیعرو گۆرانی و هەڵپەڕکێ ی کوردی بە پۆشاکی کوردەواری یەوە لەو ئێوارەیەدا .
وە لە تەوەرێکی تری دانیشتنەکەدا باس لە چۆنیەتی داوەت کردنی تایبەت کرا بۆ خێزانەکان کە ئامادەکاری دەکرێت ١٠٠ بۆ ١٢٠ کورسی ئامادە کراوە ، هەروەها باس لە بڕیاری حکومەتی هۆڵەندی کرا سەبارەت بە کۆڤید ١٩ کەلەو هەفتەیەدا بڕیاری لێوە دەدرێت بە کرانەوەی هەموو ڕیستیورانت و قاوەخانەکان و هۆڵەکان ، کۆمەڵەی کوردی موردایك پابەند دەبێت بەو یاساو بڕیارانەی کە حکومەت دەری دەکات وە خۆ پارێزی لە پەتای کۆڤید ١٩ و ڕێکارە تەندروستی یەکان .
