ناوەندی ڕەوەندی کوردستانی-کەنەدا، بەشدارییان لە ڤیستیڤاڵێکی تایبەت بە فەرهەنگ و کلتوری کوردی کرد
بەرپرس و ئەندامانی ناوەندی ڕەوەندی کوردستانی-کەنەدا، لە شاری تۆرنتۆ بەشدارییان لە ١٥هەمین ڤیستیڤاڵ کرد، کە ساڵانە لەلایەن ماڵی کورد لەو شارە بەڕێوەدەچێت و، تێیدا چەندین چالاکی ئەنجام دەدرێت.
ئەمڕۆ رێککەوتی ١٥ی٨ی٢٠٢٢، بەرپرس و ئەندامانی ناوەندی ڕەوەندی کوردستانی-کەنەدا، بەشداری ڤیستیڤاڵی ساڵانەی ماڵی کورد لە تۆرنتۆ کرد، کە تێیدا چەندین چالاکی و ستران و هەڵپەڕکێی کوردی پێشکەش کران، مەبەست لەوەش ناساندنی فەرهەنگی کوردە بە گەلانی نیشتجێی ئەو وڵاتە.
جێی باسە، ناوەندی ڕەوەندی کوردستانی-کەنەدا، وێڕای دەستخۆشیان لە ماڵی کورد لەو وڵاتە، پشتگیری خۆشیان بۆیان دەربڕی و ئامادەییشیان نیشاندا بۆ هەر کاروچالاکییەکیان لە هەر بوارێک، کە خزمەت بە کورد و کوردستان بکات، هاوکاریان بن.
