بەسەرپەرشتی سەرۆکی کۆنفدراسیۆنی ڕەوەندی کوردستانی، کۆبوونەوەیەکی تایبەت بە دامەزراندنی کۆمیتەی راوێژ ئەنجامدرا و، تێیدا بەرپرس و ئەندامانیشی دیاری کران.
ڕۆژی 07.09.2022 لە کۆبوونەوەیەکدا بە بەشداری سەرۆکی کۆنفدراسیۆنی ڕەوەندی کوردستانی، ئیسماعیل کامل و جێگرەکەی، ھەورامان عەلی تۆفیق، کۆمیتەی ڕاوێژ کۆبوونەوە.
سەرەتای کۆبوونەوەکە، سەرۆکی کۆنفدراسیۆن، بەوردی سەبارەت بە ئامانجەکانی کۆبوونەوەکە گفتوگۆی کرد، کە تێیدا ئەرک و دەستەڵاتەکانی کۆمیتەی ڕاوێژ بوو لە ماوەی کاری کۆنفدراسیۆن، تادەگاتە کۆنگرەی داھاتوو، دواتر ھەڵبژاردنی بەرپرسی کۆمیتەش تەوەرێکی دیکەی کۆبوونەوەکە بوو .
جێی باسە، زۆربەی ئەندامانی کۆمیتە بەشداربوون و، لەوێدا فەرەیدون رەزا وەک بەرپرسی کۆمیتەی راوێژ دەست نیشان کرا و، کۆبوونەوەکە بەسەرکەوتوویی کۆتایی پێھات .
فەرەیدون رەزا بەرپرسی کۆمیتە
شێخ جەزا ئەندامی کۆمیتە
دیار مەلا محەمەد ئەندامی کۆمیتە
کاردۆ محەمەد ئەندامی کۆمیتە
عەلی جومعە ئەندامی کۆمیتە
