شاندی کۆنفدراسیۆنی ڕەوەندی کوردستانی سەردانی لقی 6ی پارتی دیموکراتی کوردستان لە ئەڵمانیا دەکەن و، لەلایەن بەرپرسی لق و دەستەی کارگێڕییەوە پێشوازی کران.
رۆژی یەکشەممە، رێککەوتی 22ی1ی2023 شاندی کۆنفدراسیۆنی ڕەوەندی کوردستانی، بەسەرپەرشتی ئیسماعیل کامیل سەرۆکی کۆنفدراسیۆن و شاندێکی یاوەری، کە پێکهاتبوون لە هەورامان عەلی جێگری سەرۆکی کۆنفدراسیۆن و بەرپرسی راگەیاندن، دکتۆر نورەدین بەرپرسی دارایی کۆنفدراسیۆن و، خاتوو سازان گورون بەرپرسی بەشی ئافرەتان و لاوان، رەحیم ڕەشیدی نوێنەری کۆنفدراسیۆن لە ئەمەریکا و کەنەدا، سەردانی لقی6ی پارتی دیموکراتی کوردستانیان لە بەرلینی پایتەختی ئەڵمانیا کرد و، لەلایەن ئەنوەر مەسیفی بەرپرسی لق و دەستەی کارگێڕی لقەوە پێشوازییان لێکرا.
جێی باسە، ئامانجی سەردانەکە، باسکردن بوو لە کاروچالاکییەکان و خزمەتکردنی کوردانی تاراوگە و لۆبیکردن لەسەر پرسە نەتەوەییەکان بوو، کە تێیدا لقی6ی پارتی دیموکراتی کوردستان، ئامادەیی خۆیان نیشاندا بۆ هەماهەنگی و هاوکاری کۆنفدراسیۆنی ڕەوەندی کوردستانی لەسەر پرس و چالاکییە نەتەوەییەکانی کورد و کوردستان.
