ناوەندی ڕەوەندی کوردستانی-بەلجیکا بە ئامادەبونی چەندین رێکخراو و کۆمەڵەی کوردی لەگەڵ بازرگانێکی سەرکەوتوی کورد کۆبونەوە، کە تێیدا بازرگانەکە بەڵێنی هاوکاری گەنجانی کوردی داوە.
ناوەندی ڕەوەندی کوردستانی-بەلجیکا (kdc-cdk Belgium) بە ئامادەبوونی هەر یەکە لە بەرپرسی ناوەند و ئەندامانی دەستەی کارگێڕی ناوەند و میس سەرپل لە کۆمسیۆنی ئەوروپا و بەرپرسی یەکێتیی ئافرەتانی کوردستان لە بەلجیکا و بەرپرسانی کۆمەڵەی ئاشتی و کۆمەڵەی هیوا و بەرپرسی هونەرمەندان و نووسەرانی عەفرین و بەرپرسی کۆمەڵەی لۆرین و بەرپرسی کۆمەڵە کوردییەکانی بەلجیکا، کۆبونەیەکی بۆ دیدار ئومەر خاوەن شەریکەی (didoma) ڕێکخست.
کۆبوونەوەکە بۆ چۆنییەتی بوون بە خاوەنی کار لە وڵاتی بەلجیکا بوو، کە ناوبراو گەنجێکی سەرکەوتووی کوردە و توانی بە ماوەیەکی کەم سەرکەوتنێکی گەورە لە ڕوی یاسای بەلجیکا بە دەست بێنێت و وێنەی لە پەرلەمانی ئەوروپا وەکوو سەرکەوتوترین گەنجی ئەورووپا بناسێنرێت.
شایانی باسە، ناوبراو ئامادەیی خۆی دەربڕی، کە یارەمەتی گەنجانی کورد لە بەلجیکا بدا.
