دوهی یەکشەممە بەرواری 22 .09 . 2024 ل باژارێ بوخم ( Bochum )، و ب ئامادەبونا نێزیکە ( 300 ) کەساتیێن جڤاکی و رەوشەمبیر و نونەرێن پارتێن سیاسیێن کوردستانی و یەکەتیا ئافرەتانی کوردستان و یەکەتیێن نڤیسکاران و مافێ مرۆڤان و سازیێن جڤاکا سڤیل، کۆنفەدراسیۆن وفەدراسیۆن و کۆمەلێن کولتوری، و تۆرا رێبازا بارزانی ل ئەورۆپا، وکۆما هۆنەری و کۆما فلکلۆرێ کوردی. فەدەراسیونا کۆمەلێن کوردستانی ل ئەلمانیا حەفتەمین ساڵڤەگەرا رێفراندۆما سەربخۆبونا هەرێما کوردستانێ ب ئاهەنگەک شایستە لدارخست و پیرۆز کرد.
ئاهەنگ ب خولەکەک راوستان دگەل سرودا نیشتیمانی ( ئەی رەقیب ) رێزگرتن ل گیانێ پاکێ جانگۆری و پاکرەوانێن کورد و کوردستانێ دەست پێکر.
پەیڤا ب خێرهاتنێ یا فەدەراسیۆنێ ژ ئالیێ کاک نادر دۆغاتی ڤە هات خویندن، بشترا فلمەک دوکومنتی ب سوپاسیڤە ژ ئالیێ ستافێ کوردستان تی ڤی ئەورۆپا ڤە ( KTV ) هاتبو ئامادەکرن. هەر وەسا گۆتار و هەلبەستێن چەندین میهڤانێن هێژا و بەرێز هاتن خویندن.
هەر وەهابڤێ هەلکەفتنا دیرۆکی و رێزگرتن ل گیانێ پاکێ پاکرەوانێن پێشمەرگە یێن دەزگەها لێشکەرێ رۆژ کو خوینا خو قوربانی خاکا کوردستانێ کریە بناڤێ فەدراسیۆنێ مالباتێن ( 52 ) پاکرەوانێن پێشمرگەیێن رۆژ هاتن خلاتکرن، و سێ ژ مالباتێن پاکرەوانان ئامادەبون ئەو ژی ( مالباتا پاکرەوان سیپان یوسف سینۆ ، مالباتا پاکرەوان تیرێژ بەهرەم سلێمان، مالباتا باسل حجی حجی ). گیانێ وان شاد و ئارام بێت.
هەر وەسا کوما تیرێژ یا کۆمەلا کۆبانێ ب گۆڤەند و دیلانا رەسنا کوردی و بدەنگێ زەلالێ هۆنەرمەندێ پێشمەرگەیێ وند خێردین برۆ ئاهەنگا مە ب دوماهی هات.
سوپاس و پێزانینێن مە یێن گەرم ژبۆ ئامادەبون و بەشداریا تەڤایا خوشک و برا و مهڤانێن هێژا کو زەحمەت کێشاندن و رێکێن دور دان بەر خوە ژبۆ بەشداریا ئاهەنگا رێفراندۆمێ.
ژ دل ئەم داخازا لێبۆرینێ ژ وان هەڤالێن هێژا و بەرێز دکەین کو ژ کێمانیا دەمی دەرفەت نەهات پەیڤ و گۆتارێن خوە بخوینێن.
سوپاس و پێزانین بۆ ستافێ ( KTV ) ئەلمانیا ژ بۆ دورستکرنا فلمەک دوکومێنتی لسەر رێفراندۆمێ و رومالکرنا ئاهەنگێ.
سوپاس و پێزانین ژ بۆ کۆما تیرێژ یا کۆمەلا کوبانێ ل باژارێ بیلەفێلد ب سەرپەرشتیا باڤێ مزگین.
سوپاس و پێزانین ژبۆ کۆما هۆنەری یا کاک خێردین برۆ و کاک رێزان رێزدار.
سوپاس و پێزانین ژبۆ پێشکێش کەرێن بەرنامێ ئاهەنگێ کاک سالار کەرکوکی و کاک اقبال داوود کو ب شێوەیەک جوان و رێک و پێک ئاهەنگ برێڤەبرن.
بڤێ هەلکەفتنا دیرۆکی پیرۆزباهیک گەرم ئاراستەی سەرۆک و رابەرێ گەلێمە کاک مەسعود بارزانی و تەڤایا گەلێمە یێ کوردستانی دکەین هیڤی خوازین ئەڤ رۆژا پیرۆز و مێژویی ببێت هاندەرک خورت ژ بۆ ئازادی و سەربخۆبونا کوردستان.
بژی کورد و کوردستان
فەدراسیۆنا کۆمالێن کوردستانی ل ئەلمانیا.
Kurdischer Rat in Deutschland e.V.
……..
پەیڤا فەدەراسیۆنا کۆمەلێن کۆردستانی ل ئەلمانیا بهەڵکەفتنا ( 7 ) حەفتەمین ساڵڤەگەرا رێفراندۆما کوردستانێ ل باژارێ بوخۆم/ ئەلمانیا.
خوشك و براێن هێژا مێهڤانێن بەرێز..
بەرێزان نوێنەرێن پارتیێن سیاسیێن کوردستانی، ئێکەتیا ئافرەتێن کوردستانێ، سازیێن جڤاکا سڤیل، رەوشەنبیر و نڤیسکار و کەسایەتیێن ماقول وبەرناس یێن کوردستانی .
بناڤێ فەدەراسیۆنا کۆمەلێن کوردستانی ل ئەلمانیا ب خێرهاتنا وە یێن هێژا و بەرێز دکەین. ب خێرهاتن سەرچاڤان هاتن..
پر ژ دل سوپاسیا ئامادەبون و بەشداریا وە ێن هێژا دکەین، کو ئەم پێکڤە ئیرۆ ڤێ رۆژا پیرۆز و مێژوویی و دیرۆکی هەلکەفتنا حەفتەمین سالڤەگەرا رێفراندۆما سەرخوەبونا باشورێ گوردستانێ لداردخین و پیرۆزدکەین.
خوشك و براێن هێژا مێهڤانێن بەرێز
بریارا گشتپرسی و سەرخوەبونا گەلێمە یێ کوردستانی هاتە دان پشتی پتر ژ سەد سال ژ خەباتەکا دوور و درێژ و بەردەوام وکاروانەکێ درێژ ژ قوربانیان ژ بۆ نەهێلانا زۆرداری و ستەمکاریێ یا کو لسەر گەلێمە یێ کوردستانی هاتە سەپاندن ژلاێی دەولەتێن داگیرکەر، و ژ بۆ سەرخوەبون و ئازادی یا گەلێمە وەکە مافەکی مە یێ سروشتی، و ب دەستپێشخەریا سەرۆك بارزانی، و پشتەڤانیا هەمو لایەن و پارتێن سیاسیێن کوردستانی لباشورێ کوردستانێ، بریارا گشتپرسیێ هاتە دان کو لرۆژا 25.09.2017 وەرە لدارخستن.
و دوێ رۆژا پیرۆز و مێژوویی دە گەلێمە ب جۆش و خرۆشەکا مەزن، و ب شادی بەختەوەری کاری پتر ژ رێژەیا 92,73 دەنگ لسەر سەرخوەبونا کوردستانێ بدەن .
ب ڤێ هەلگەفتنا پیرۆز و دیرۆکی بناڤێ فەدەراسیۆنا کۆمەلێن کوردستانی ل ئەلمانیا پیرۆزباهیەکا گەرم ئاراستەی سەرۆک و رابەر کاک مسعود بارزانی ئەندازیارێ ڤێ رۆژا نەتەوەیی و تەڤ هێز و لایەنێن سیاسی وسازیێن کوردستانی و رێکخستنێن جڤاکا سڤیل و بتایبەت دیاسپۆرایا کوردستانی دکەین، کو دڤێ رۆژا پیرۆزدا رەڤەندا کوردستانی ئەرد هەژاند دبن پێیێن خودا ل تەڤایا دیاسپۆرا و بتایبەت ل باژارێ کۆلن ل ئەلمانیا، و بدەنگێ بلند گازی کرن ( بەلێ بۆ سەربخوبون، بەلێ بۆ رێفراندۆمێ )، هیڤیدارین ئەڤ هەلکەفتنا پیرۆز ببە چەترەكە نەتەوەیی لژێر ئالا کوردستانی یا پیرۆز ژ بۆ هەر کوردەکی دلسۆز و نیشتیمانپەرو .
رێفراندۆم داخواز وخوەستەکا گەلی کوردستانێ بو د دەرفەتەک دیروکیدا، پەلگە نامەیەک کوردستانیە ل کۆمەلگەها نێڤ دەولەتیدا وەک بەرێ بنیاتێ ژبو سەرخوەبۆن ودامەزراندنا دەولەتا کوردستانی بسەر پەرشتیا سەرۆک و رابەرێ گەلێمە کاک مەسعود بارزانی .
هەر بڤێ هەلکەفتنا پیرۆز ئەم وەک فەدەراسیۆنا کۆمەلێن کوردستانی ل ئەلمانیا بانگەوازیا خوە دگەهینین تەڤایا کۆمەل و سازی و رۆشەنبیر و نیشتیمان پەروەرا ل دیاسپۆرا کوردستانی کو پشتەڤان و هاوکاربن دگەل فەدەراسیۆن و کۆنفەدراسیۆنا رەڤەندا کوردستانی ل دیاسپۆرایێ ژبو دامەزراندنا دەزگەهەک ب هێز ژ بۆ هەمو دیاسپۆرا کورد لژێر ئالا کوردستانی یا پیرۆز.
کو ئەڤ دەزگەهە ب بیتە هاندەرەک خورت ژ بۆ پێشەرۆژا دیاسپۆرا کورد ودامەزراندنا نوێنەراتیەکە راستەقینە بکارە خزمەتا رەڤەندا کوردستانی بکە د وارێ کولتۆر وچاند وزمانێ کوردی، هەروەها ئاڤاکرنا پرێن پەیوەندیا دناڤبەرا دیاسپۆرایێ وکوردستانێدا دا بکارین خزمەت وپشتەڤانیا دۆزا گەلێ خو یێ کوردستانی بکەین .
جارەکە دن سوپاسیا وەێن هێژا دکەین وهەر سەرکەفتی بن.
سلاڤ لگیانێ پاکی پاکرەوان و جانگوریێن کورد و کوردستانێ . .
سلاڤ ل هەمو ریفراندومچیا.
بژی کورد و کوردستان .
زۆر سوپاس هەر شاد و بەختەوەربن
فەدەراسیۆنا کۆمەلێن کوردستانی ل ئەلمانیا
Kurdischer Rat in Deutschland e.V.
22 . 09 . 2024
