ناوەندی ڕەوەندی کورد لە دەرەوە، لە پەیامێکیاندا پیرۆزبایی خۆیان ئاڕاستەی هەریەکە لە مانی حسێنی و سەحەر ئایداریان کردووە، بە بۆنەی دەرچوونیان لە هەڵبژاردنی پەرلەمانی نەرویج، ساڵی 2021 بۆ 2025، وەک ئەندامی پەرلەمانی ئەو وڵاتە.
دەقی پەیامی پیرۆزبایی:
بە ناوی خۆمان و سەرجەم گەلی کوردستان، پڕ بە دڵ پیرۆزبایی ئاڕاستەی هەریەکە لە سەحەر ئایدار و مانی حسێنی دەکەین، کە توانیان وەک دوو گەنجی کورد لە هەڵبژرادنی پەرلەمانی وڵاتی نەرویج، ساڵی 2021 بۆ 2025 سەرکەوتن بە دەست بێنن و ببنە ئەندامی پەرلەمانی ئەو وڵاتە.
ئێمە وەک ناوەندی ڕەوەندی کورد لە دەرەوە، خۆشحاڵ بووین بەو ئەنجامەی بە دەستانهێنا و هیوای سەرکەوتنتان بۆ دەخوازین، کە توانیوتانە تێکەڵی پڕۆسە سیاسییەکانی ئەو وڵاتە ببن، ئومێدەواریشین، ئەوەی لە تواناتاندا بێت، چ بۆ گەل و وڵاتی نەرویج، هاوکات بۆ گەلی کوردستانیش، ئەنجامی بدەن.
ناوەندی ڕەوەندی کورد لە دەرەوە
14ی9ی2021
