سەرۆکی فەرەنسا و سەرۆکوەزیرانی عێراق دوای کۆبوونەوەیان، کۆنگرەیەکی رۆژنامەوانییان ئەنجامدا و، هەردوولا جەختیان لە کاری پێکەوەیی کردەوە، هەروەها سەرۆکی فەڕەنسا جەختیشی لە یارمەتیدانی عێراق کردەوە.
ئەمڕۆ شەممە 28ی8ی2021، مستەفا کازمی، سەرۆکوەزیرانی عێراق لە کۆنگرەیەکی رۆژنامەوانیدا رایگەیاند، هەڵوێست و هەوڵەکانی فەڕەنسا لە سەرخستنی کۆنفرانسی بەغدا بۆ هاریکاری و هاوبەشی لە بەرزدەنرخێنت، هەروەها جەختیشی لەوە کردەوە، کە پێکەوە کارکردنی فەڕەنسا و عێراقیش بۆ سەرخستنی دیموکراسی بەردەوام دەبێت.
دواتر ئیمانوێل ماکرۆن، سەرۆکی فەڕەنسا، رایگەیاند، وڵاتەکەی سوورە لەسەر یارمەتیدانی عێراق لە شەڕی دژی تیرۆر و ئاوەدانکردنەوەی ناوچە زیان لێکەوتووەکان، هاوکات هەڵبژاردنی داهاتووی عێراقیشی بە گرینگ وێناکرد و هیوایشی خواست، کە بێگەرد و بێ کەموکورتی بێت.
بڕیاریشە ماكرۆن سەردانی هه‌رێمی كوردستان بکات و له‌گه‌ڵ به‌رپرسانی باڵای هه‌رێم كۆببێته‌وه.
کۆنفڕانسی لووتکەی بەغدا بۆ هاوکاری و هاوبەشی، بە بەشداری سەرۆک و وەزیرانی دەرەوەی نۆ وڵات بەڕێوەدەچێت.
