کوردێک بووە سەرۆکی پەرلەمانی ئیسرائیل.
میکی لێڤی کوردێکی خەڵکی جزیرەی بۆتان، لە باکووری کوردستانە. دوای پێکهێنانی حکومەت و پەرلەمانی نوێی ئیسرائیل بووە سەرۆکی پەرلەمان.
لێڤی تەمەن 69 ساڵ لە 21ی حوزەیرانی 1951 لە ئۆرشەلیم لە دایک و باوکێکی جوو کە خەڵکی جزیرەی باکووری کوردستانن لەدایکبووە.
لێڤی لە هێزی ئاسمانی ئیسرائیل خزمەتی سەربازی کردووە و پەرەشووتوان بووە. ساڵی 2000 تا 2004 بەرێوبەری گشتی پۆلیسی ئیسرائیل بووە. بەهۆی لێهاتووییەوە ساڵی 2002 خەڵاتی سوارچاکی بەرێوەبردنی پێدراوە. ئەندامی پارتی یێش ئاتیدە و لە کابینەکەی بنیامین ناتەنیاهۆ پۆستی جێگری وەزیری دارایی هەبووە.
13ی حوزەیرانی 2021 بووە سەرۆکی پەرلەمانی ئیسرائیل (کنێست).
