ڕووسیا ئەمڕۆ شەممە، ئاگربەستی ڕاگەیاند بۆ ڕێگەدان هاووڵاتیانی مەدەنی دوو شاری ڕۆژهەڵاتی ئۆکرانیا دەرباز بن، ئەوەش دوای گفتوگۆی نێوان نوێنەرانی کیێڤ و مۆسکۆ دێت.
ئەو دوو شارە هەریەکە لە ڤۆڵنۆڤاخا و ماریۆپۆلن، کە بەندەری ستراتیژیان لەسەر دەریای ئەزۆڤ هەیە و لەلایەن هێزەکانی ڕووسیاوە گەمارۆدراون.
ئاژانسە هەواڵییەکانی ڕووسیا، لە زاری وەزارەتی بەرگرییەوە ڕایانگەیاندووە، کە لایەنی ڕووسی مووشەکبارانی ئەو دوو شارە رادەگرێت و ڕێڕەوی مرۆیی دەکاتەوە تا هاووڵاتیانی مەدەنی لە ماریۆپۆل و ڤۆڵنۆڤاخا دەرباز بن.
وەزارەتی بەرگری رووسیا جەختی لەوە کردووەتەوە، کە هێزەکانیان لەسەر هێرشکردنە سەر ئۆکرانیا بەردەوام دەبن.
