دوێنێ لە ڕێگای پڕۆگرامی ZOOM، دەستەی کارگێڕی ناوەندی ڕەوەندی کوردستانی لە سویسرا، بەسەرپەرشتی بەرپرسی ناوەندەکە کۆبوونەوەی ئاسایی خۆیان ئەنجامدا
بە سەرپەرشتی سەیران کاکەوڵا بەرپرسی ناوەندی ڕەوەندی کوردستانی-سویسرا و، بە ئامادەبوونی دکتۆر بابان ئەلیاسی، سۆران حەسەن، ئاراس ئەمین، ئایدن ڕۆنی، ئایدۆگان ئاینال، عەممار داود، بژار سەعید و لوقمان هەورامی بەڕێوەچوو.
سەرەتای کۆبوونەوەکە باسێک لە کار و بەرنامەکانی پێشوو کرا، هاوکات لیژینەی پەیوەندار بۆ دەستپێکردنی کارەکانی پێشوو هەڵسەنگێندرا و، بڕیاری پێویست لە بارەیانەوە درا.
جێی باسە، دواتر پلان و ئامادەکارییەکان بۆ یادی ڕیفراندۆمی باشووری کوردستان باسکرا و، پێشنیار و بۆچوونەکان وەرگیران، هەروەها بڕیار درا لە کۆبوونەوەی هەفتەی داهاتوو، بڕیاری پێویستی لە بارەوە بدرێت.
