دەزگای نێودوڵەتی پێشمەرگەبۆکاری مرۆیی بە بۆنەی ٨ی مارس ڕۆژی جیهانی ژنانەوە، پەیامی پیرۆزبایی خۆیان ئاڕاستە سەرجەم کچان و ژنانی جیهان، بە تایبەت کوردان دەکەن.

دەقی پەیامەکە :
بەناوی خۆمان و ناوەندی رەوەندی کوردستانی لە بەریتانی
8 مارس ڕۆژی جیهانیی ئافرەتان پیرۆز دەکەین.
ڕۆژی هەشتی مارس ڕۆژی بەرەنگاربوونەوەی زوڵم و ستەم بوو چۆن ٣/٨ وەک ڕۆژی ئافرەتان دیاریکرا ؟
کاتێک ژنان لە کارگەکانی پیشەسازی کاریان دەکرد لە ویلایەتە یەگرتووەکانی ئەمریکا؛ ژنان دوای هەستکردن بە زوڵم وستەم بەرانبەریان و زۆری کاتەکانی کارکردنیان؛ لەساڵی ١٨٥٧ ژنانی شاری نیۆرک لەیەکێک لەکارگەکانی ڕستن و چنین لەڕۆژی هەشتی مارس هاتنە سەرشەقامەکان و ناڕەزایەتییان پیشاندا دژی ئەو نادادپەروەرییەی کە بەرانبەریان دەکرا لەلایەن خاوەن کارگەکانەوە، داواکاری خانمان لەخۆپیشاندانەکان ڕێزلێگرتنیان و کەمکردنەوەی کاتەکانی کارکردنیان بوو بۆ (١٠) کاتژمێر لە ڕۆژێکدا و بڕی مووچەکەیان زیادبکرێت.
هەربۆیە لەساڵی ١٩٢١ ڕۆژی ٣/٨ وەک ڕۆژی جیهانیی ژنان دیاریکرا لەلایەن وڵاتانەوە، دواتر نەتەوەیەکگرتووەکان ساڵی ١٩٧٨ ئەم ڕۆژەیان بەفەرمی ناساند؛ وەک ماندووبوون و خزمەتکردنی وڵات و ئەرکی بەرپرسیارێتی ماڵ و منداڵەکانیان.

پیرۆزبێت ڕۆژی جیھانی 8 مارس

دەزگای نێودەولەتی پێشمەرگە بۆ کاری مرۆیی
ناوەندنی رەوندی کوردستانی لە بەریتانیا
8/3/2022