Serokwezîrê Brîtanya Boris Johnson roja Şemîyê ragihand ku ew ji plana hikûmeta xwe piştrast e ku hin penaxwazan bişîne Rwandayê, piştî ku Dadgeha Mafên Mirovan ya Ewropayê rê li ber rêwîtîya yekê ya Rwandayê girt
Johnson di daxuyaniya xwe ya ji bo rojnamevanan de got, “Hemû dadgehên vî welatî biryar dan ku li vî welatî ti astengî nîne û ti dadgehê biryar nedaye ku ev polîtîka ne destûrî ye, ev yek gelekî kêfxweş e.”
Di dewama axaftina xwe de bilêv kir ku baweriya wan bi zagonî û makezagonîtiya tiştên ku dikin heye û ew ê vê yekê bidomînin
Brîtanya dibêje ku girêbesteke 120 milyon pound (147 milyon dolar) bi Ruanda re rê li ber çûna geştên metirsîdar bo kanalên Inglîzî û torên qaçaxçîtîya mirovan digire .
