Dadgeheke Amerîkî tîmeke îstixbarata Îranê bi plankirina revandina xelkê xwe yê li derve û bi spîkirina pereyan tawanbar dike.
Wezareta Xezîneyê ya Amerîkayê di daxuyaniyekê de ragihand ku tîmeke îstixbarata Îranê bi serokatiya Elî Raza Farahanî û çend kesên bi navên, Mehmûd Xezeîn, Kiya Sadiqî û Omîd Nûrî bi hewldana revandina rojnamevan û dijberên Îranê li derve û bi taybet li Amerîka û Brîtanyayê tên tawanbarkirin.
Li gorî daxuyaniya Wezareta Xezîneyê ya DYAyê, Alî Raza Farahanî û ekîba wî ya îstîxbaratê ev salek e plan dikin ku Mesîh Elî Nejadyan birevînin û bi rêya Venezûelayê wî bibin Îranê.
Wezîrê Karên Derve yê Dyayê Anthony Blinken di bersiva xwe ya li ser gemaro xistina 4 kesên Îranî de got, “Her kes û her welatekî ku hewl bide mûxalîfên rejîma xwe ên li DYA bikuje yan jî birevîne, wê ji aliyê DYAyê ve neyê qebûlkirin û wê cezayên giran li wan bibirin.’’
