Parêzgariya bajarê Mûşê ya Bakurê Kurdistanê, Zozanên Şênê li Amediyan qedexe kir, û hêza cendirmeyan ji bo derxistina wan erk wergirtine.
Parêzgarîya Mûşê ji roja 11 vê mehê ve, biryara qedexeya zozanên Şênê ji boy koçer û gundiyên Amedê û dorbera wê dest pê kirîye û ragihand, ew dê bi rêya destwerdana cendermeyan bêne derxistin.
Ev biryar piştî biryara di Rojnameya Fermî ya Tirkiyê de 20ê Adarê hatibû weşandin û herêma Zozanên Şênê ya girêdayî navçeya Pasûra Amedê, bi bajarê Mûşê ve hatibû girêdan hatiye dayîn.
Parêzgariya Mûşê 11ê Hezîranê ragihandiye ku zozanên li herêma Şênê, li gundî û koçerên di nav sînorên Amedê de dimînin re hatiye qedexekirin â piştî wê biryarê jî bi destwerdana cendermeyan koçer ji heremê hatine derxistin.
Baroya Amedê li ser mijarê lêkolîn daye destpêkirin û diyar kir ku derxistina koçerên herêmê ji zozanên Şênê bi rêya cendermeyan û biryara parêzgariyê piştrast bûye.
Darka mazi
