Bi minasebeta 21ê Sibatê Roja Zimanê Zikmakî Platforma Kurdên Li Hamburgê bi peyamekê pîrozbahî li çar parçeyên Kurdistanê û li Kurdên derveyî welat kir.
Peyam:
Zimanê Kurdî, hebûn û jiyana gelê Kurd e. Zimanê Kurdî, dûrişma Kurdistanê ye. Mirovê rêzê li zimanê xwe negire û jê hez neke, nikare rêzê li miletê jî xwe bigirê û jê hez bike. Zimanê Kurdî navnîşana gelê Kurd e di nav gelên cîhanê de. Divê em hewl bidin ku zimanê me di nava gelê me de û bi taybetî jî di nava Kurdên li derveyî welêt de bibe zimanê sereke.
Pêwîst e em zimanê Kurdî biparêzin, pê biaxivin, pê binivîsin, pê bixwînin û zarokên xwe ferî zimanê Kurdî, zimanê bav û kalên xwe bikin.
Bi Kurdî biaxive.
Bi Kurdî binivîse.
Bi Kurdî bixwîne.
PLATFORMA KURDÊN LI HAMBURGÊ
