Navenda Revende Kurd li derveyî welêt bi nîviskar, siyasetmedar û berpirsyarê Komeleya Dostaniya Alman û Kurd Mamoste Fettah Timar re li bajarê Bottrop a Almanyayê civiya. Civîn li ser koordînasyon û pêşxistina karûbarê civaka Kurd li diasporayê û li ser hinek babetên din bû. Li ser hinek gavên pêwîst û girîng biryar hatine girtin. Di vê danûstandinê de derfetên xebata bi hev re jî hatine gotûbêjkirin ka meriv di pêşerojê da çawa dikare bi hev ra bixebite ku civatê di bin sîwanekê de bicivîne û pêvajoya danûstandina bi rasterast di navbera wan de hêsantir bike.
Civîn ji bo dîtina mekanîzmayeke hevbeş bi hemî rêxistinên sivîl ên Kurd ên li derveyî welêt re hate teqez kirin.
