Hikûmeta Yewnanîstanê, ji bo pêşî li koça kaçaxî bigire, deriyên sînor bi radar û kamerayan dişopîne.
Hikûmeta Yewnanîstanê ji roja Îniyê û vir ve ji bo şopandina deriyên sînor ên bi Tirkiyeyê re dest bi danîna radar û kamerayên çavdêriyê kiriye û ev yek jî ji bo pêşîgirtina li koça ne qanûnî ye.
Li gorî agahiyên Hikûmeta Yewnanîstanê, hemû sînorên di navbera Tirkiye û Yewnanîstanê de bi kamerayên çavdêriyê û radaran ve têne şopandin û her radar û kamerayek dikare ji 15 kîlometreyan bo 4 nuqteyên cûda yên sînoran agahiyan bide.
Li herêmên Sufley, Didimoticho, Orestia, Tekhero, Feresû Alexandropolî, navenda çavdêriyê ya sînor ji bo agahdarkirina leşker û polîsan hatiye avakirin.
Ev kamera û radar bi 24 saetan kar dikin û tenê zanyariyan didin berpirsên xalên sînorî, weke ku di çapemeniya Yûnanistanê de jî hatiye diyarkirin, tenê Atîna dikare zanyariyên li ser sînorê Yûnanistanê û Tirkiyeyê diqewimin bizane û ev jî tê wê wateyê ku dikare hemû vîdeoyan bibîne.
