Navenda Revenda Kurdistanî serdana yek ji kesayetiyên malbata Bedirxaniyan kir, bi mebesta damezrandina navendek li bajarê Liège ya Belçîka.
Rêkefta 14 ê temûzê bi serpereştiya Cîhangîr Alî Dolemerî Berpirsê Navenda Revenda Kurdistanî li Belçîka li gel şanda pêre ku pêkhatibûn ji Atranêk Şahîn Cîgirê Berpirsê Navendê û Mistefa Şakir Berpirsê peywendiyan û Sefer Bîtkarî Berpirsê rêxistinê û Boxos Nîşan Berpirsê Darayî serdana (Ferîd Pêkir)ê malbata Bedirxaniyan kirin û civînek encam dan.
Mebesta civînê damezrandina navendek bû li bajarê Liège ku bajareke ser bi herêma Wallonia ya beşê Fransî zimanê welatê Belçîka ye. Piştî guftûgo kirinê biryar dan bi amadebûna Komîteya Birêveberê Konfederasyona Revenda Kurdistanî li paşerojeke nêzîk da wê navendê bi fermî dabimezrênin.
Hêjayî gotinêye, malbata mezina Kurdperwerê Bedirxanî ku çendîn sale zîndanî siyasî û li jêr îşkenceya dewleta Tirk bûn, pêkhatine ji nivîskar û mamostayên zimanê Kurdî û xanima Xezal Pêker li bajarvanî û Hikûmeta Herêma Wallonia ya Belçîka desthilatekî bilind heye.
