یەکەم کۆبوونەوی کۆمیتەی ئافرەتان لەسەر ئاستی کۆنفدراسیۆن بە ئۆنلاین بەسترا، کە تێیدا چەند نوێنەرێکی ئافرەتانی وڵاتانی جیاواز بەشداربوون و، باس لە زۆر بابەتی گرینگی پرسی ئافرەتان کرا.
لە میانەی کۆبوونەوەکەدا، باس لە پیرۆزی و گرانی ئەرکی ئافرەتان کرا، لەگەڵ ئەرکەکانی دیکەی ژیانیان، کە ئەرکێکی زۆر گرینگیان لەسەر شانە، ئەویش پەروەردەکردنی نەوەیەک، بە بیروباوەڕێکی بەهێزی نەتەویی و کوردایەتی.
خاڵێکی دیکەش، کە گفتوگۆی لەبارەوە کرا، ئەکتیڤ بوونی ئافرەتانە لە چوارچێوەی کاری ڕێکخراوەیی لە ناوەندەکاندا و، هاوکات گۆڕینەوەی بیروبۆچوونەکان و، چۆنێتی بەرەوپیش چوونی رۆڵی ئافرەتی کورد لە تاراوگە، پرسێکی دیکەی کۆبوونەوەکە بوون.
لە کۆتایی کۆبوونەوەکەشدا، پلان بۆ کۆبوونەوەی داهاتوو دانرا، کە باس لەو پڕۆژە و کاروکارنامانە بکرێن، هەرەوەها کار بۆ بەرەو پێش چوونی رۆڵی ئافرەتی کورد لە تاراوگە بکەن
