Li Hewlêra paytexta herêma Kurdistanê, şandeke bilinda leşkeriya Almanî piştgêriya welatê xwe jibo hêzên pêşmerge û dupat kir, û diyar kir ku ev piştgêrî dê di warên cida de û li gorî karîn û pêwîstiyan her berdewam bimîne.
Li gorî daxuyaniyeke wezareta pêşmerge ya Herêma Kurdistanê; di hevdîtina kolonel Mayer yê ji Wezareta Berevanî ya Almanyayê û Kolonel Kay, Berpirsê Projeyên Almanya yê li Herêma Kurdistanê ligel Cemal Mihemed, Serokerkanê Wezareta Pêşmerge de tekezî li ser berdewamiya hemahengî û alîkariyên hikûmeta Almanyayê ji bo Wezareta Pêşmerge hat kirin.
Wezareta Pêşmerge ragihand; di hevdîtinê de şanda Almanî berdewamiya hemahengî û alîkariyên hikûmeta Almanyayê ji bo Wezareta Pêşmerge car din anî ziman.
Şanda Almanî destnîşan kiriye ku berdewam dibin di karkirina ligel hêzên Pêşmerge de di warê şêwirmendiyê de li Herêma Kurdistanê.
Tê zanîn ji destpêka êrîşên terorîstên DAIŞê li dijî Kurdistanê û deverê, welatê Almaniya yek ji welatên ku bi awakî berçav û berdewam piştevaniya leşkerî pêşkeşî hêzên Kurdî kiriye.
