Roja Çarşema 20.10.2021an Navenda Rewşenbîriya Mem û Zînê, bi hevkariya Wezareta Rewşenbîriya Herêma Kurdistanê, Duyemîn Festîvala Mem Û Zînê bi beşdariya nivîskar û xwendevanên ji çar parçeyên Kurdistanê lidar xist.
Navenda Rewşenbîriya Mem û Zînê di festîvalê de xelatek da nivîskarê ji Rojavayê Kurdistanê Jan Dost. Jan Dost anî ziman, ew gelekî kêfxweş e ku ji destê rêxistineke neteweya xwe xelatek wergirtiye. Festîval bi beşdariya gelek kesayetiyên bi navûdeng birêve çû û guftûgo li ser rewşa ziman û wêjeya Kurdî ya li her çar parçeyan hate kirin.
Hêjayî gotinê ye ku Parêzgarê Hewlêrê Ûmîd Xoşnaw û Birîkarê Wezareta Rewşenbîrî û Lawan Dr. Salar Osman jî li festîvalê hazir bûn.
