Rayedarên Baskê yên li Îspanyayê ragihandin ku di 13ê Adarê roja Yekşemê de koçberek di çemê Prestîge ya navbera Îspanya û Fransayê de winda bûye.
Di daxûyaniyê xwe de hate diyarkirin ku sê kes ketine çemî û tenê du ji wan derbas bûne. Piştî ku çenteyek hate dîtin tîmên lêgerînê hatin çalakkirin.
Lêgerînên ku roja Yekşemê di saet 16:00an de dest pê kirin, wê heta roja Duşemê bên dewamkirin.
Bi tevî zêdebûna kontrolên di navbera sînorê Fransa û Îspanyayê de koçber ji bo ku derbasî Fransayê bibin rêyên xetere digirine ber xwe.
Sala borî li Pedasuwa sê koçber, yek ji wan Ganayê xeniqîn û di meha Cotmehê de sê Cezayîrî ji trênê ketine xwarê û jiyana xwe ji dest dan.
Li gorî îstatîstikên fermî yên sala borî 13 hezar û 164 hewldanên ketina xaka Fransayê hatin betalkirin.
Li gorî rayedarên Fransayê nîvê wan ji Fasê ne û hinek jî ji welatên çolê yên Afrîkayê yên wek Malî, Gana û Senegalê ne.
