Navenda Revenda Kurdistanî li Düsseldorf, bi beşdariya Komeleya Runahî bi boneya 9´mîn salvegera jenosîda xwişk û birayên êzdî yên Şengalê ji aliyê rêxistina terorîst a DIŞIê ve hatibûn teror kirin, bi amadebûna berpirsê giştî ya Revenda Kurdistanî Şîfa Barzanî, çendîn siyasetmedarên Almanî,nûnereê Wezareta Pêşmergeyên Hukumeta Herema Kurdistan û fermandeya pêşmergeyên hêza Zerevanî ve çalakiyek girîng pêk hat.
Roja şemiyê 08.09.2023, Navenda Revenda Kurdistanî li Düsseldorf li bajarê Bochumê yê Almanyayê bi boneya 9´mîn salvegera karesata Şingalê çalakiyek li dar xist. Cîgirê serokê Navenda Revenda Kurdistanî Nesrîn Ebdulla îşaret bi wê yekê kir û Got: ”Jenosîda Şengalê di meha tebaxê de ye, lê ji ber ku li Almanyayê meha sîmestirêye, me merasima bîranînê taloq kir û xist meha 9´an. Me dawetname ji Wezareta Pêşmerge ya Hikûmeta Herêma Kurdistanê û Fermandeyê Pêşmergeyên Zêrevanê re şand da ku beşdar bibin. Cîhê xweşhaliyê ye ku îro beşdariya civîna me bûne.
Li serkaareseta Êzdiya û Enfala li ser Kurdistanê û karesata Kobaniyê, di çalakiyê de fîlma bi navê “Pêşîwazî li Mirinê” ku ji derhêneriya min û wêneyên Nizar Mikail jî hate pêşandan.
Gelek siyasetmedar beşdarî çalakiyê bûn, her wiha (Max Lux) ji Berlînê hat û li ser navê partiya xwe xwe Partiya Kesk a Almanyayê axivî û axaftina xwe de behsa jenosîdê kir û lêkolîn li ser karesatên li dijî gelê Kurd kiriye, niha jî li ser jenosîda Şingalê kar dike û pêwîst dît ku li hember karesateke bi vî rengî helwest were girtin û di asteke bilind de kar li ser wê were kirin. Beşdariya hêza Pêşmergeyên Zêrevan bo xwe wek surprîzek dît.
Di çalakiyê de gelek parlementerên Alman û Cîgira Walîtiya Bochumê, xanim Angelia jî amade bûn, gotarek pêşkêş kir û got ku ew dixwaze Kurdan ji nêz ve nas bike, ji bo baştir fêm bikin, êş û azarên Kurdan û çareseriya wan, ne ku salê carekê wan bibîne, îşaret bi têkiliyên berdewamî kir.
Paşê berpirsê giştî ya Revenda Kurdistanî li baregeha Barzanî Şîfa Barzanî, gotarek pêşkêşî amadebûyan kir û di beşeke din de daxwaz ji hikûmeta Almanya yê kir ku piştevaniya gelê Kurd bike û got: ”Divê lobîyeke taybet hebe, rewşa Ezdîyan niha jî wek xwe maye û piraniya xuşk û birayên êzîdî nikarin vegerin welatê xwe.”
Piştre nûnerê Fermandeyê Pêşmergeyên Zêrevanê gotarek pêşkêş kir û behsa şerê hêzên Pêşmerge li dijî rêxistina terorîst a DIŞIê kir û tekez li ser wê yekê kir ku Şingal bi çavdêriya Serok Mesûd Barzanî û Hêzên Pêşmergeyên qehreman hatiye rizgarkirin.
Pêvîste bê gotin ku ev çalakiya bi hevkarî û hevbeşiya komeleya RONAHÎ pêkahtiye û her wisa roja seroka Komeleya Ronahî Xunav Haco jî ber biçav bû û spasiya wê dikin.
