Ji bo ku koçber bêtir tev li civakê bibin û xwe nespêrin zarokên xwe, çend dê û bavan dest bi dewreyên fêrbûna zimanê Swêdî kirine.
Di kursên bi sernavê “Avakirina Ji Piran Ji Bo Dê û Bavan” de, tevî agahiyên li ser mafên zarok û dê û bavan, agahiyên perwerdeyê hene.
Fikra înîsiyatîfê li Yotboriyê di şeva dîyalogê de dest pê kir û di wê demê de dê û bavên ku ji bo li Swêdê xwe bi tenê hîs nekin, nîqaş li ser hate kirin ku dê û bav çawa di nava civakê û malê de pozîsyona xwe xurt bikin.
Yek ji axaftvanên însiyatîfê Ebîr Hemmûd got, “Dema ku dê û bavek heta temenekê ne li Swêdê bûn, ne dema hînbûna Swêdî bû û niha zarokên ji wan re wergêriyê dikin, ev jî tê wê wateyê ku zarok xwedî desthilat in.”
Bi berdewamî got, ”Em dixwazin derbarê civaka Swêd de zêdetir agahiyan bidin dê û bavan da ku di nav malbatê de helwesta xwe ya desthilatê bi dest bixin.”
Her wiha kurs dê û bavan bi awayê ku bi zarokên xwe re têkiliyê deynin, eger zarokên wan li ser rêya çewt bin wekî madeyên hişbir, dizî û sûcên din jî wan hişyar dikin.
Înîsiyatîfê heta niha neh civîn li dar xistiye û gelek dê û bavên koçber beşdar bûne.
