بە ڤیدیۆ : ناوەندی ڕەوەندی کوردستانی – دوسلدۆرف لە ئەڵمانیا کۆمەڵەی ھونەرمەندانی لەو وڵاتە دامەزراند
ناوەندی ڕەوەندی کوردستانی-دوسلدۆرف لە ئەڵمانیا، کۆمەڵەی هونەرمەندانی لەو وڵاتە دامەزراند، ئەوەش بەمەبەستی کۆکردنەوەی هونەرمەندە کوردەکانی ئەو وڵاتە لەژێر چەتری ناوەندەکە، لەپێناو یەکخستنیان تا بتوانن پێکەوە کاری باشتر لە پێناو خزمەتی زیاتر بە هونەری کوردی بکەن.
لە درێژەی کاروچالاکییەکانی ناوەندی ڕەوەندی کوردستانی، ناوەندی ئەڵمانیا بە کۆکردنەوەی چەندین هونەرمەندی پارچەجیاوازەکانی کوردستان، کۆمەڵەیەکیان لەژێر چەتری ناوەندی ڕەوەندی کوردستانیدا بۆ دامەزراندن، ئەوەش لەپێناو یەکترناسینی هونەرمەندانی کوردی دانیشتووی ئەو وڵاتە و کۆکردنەوەیان لەژێر چەتری ناوەندی ڕەوەندی کوردستانی، تا بتوانن لە رێی کۆمەڵەکەیانەوە زیاتر خزمەت بە بواری هونەری کوردی بکەن و فەرهەنگ و کەلتوری رەسەنی کوردی پیشانی دانیشتوانی ئەو وڵاتە بدەن.
جێی باسە، پێشنیاریش کرا، کە لیژنەیەک بۆ کارکردن لەسەر هەماهەنگی نێوان ئەو هونەرمەندانەی لە ئەڵمانیا دەژین، پێک بێت.
