ناوەندی بڕۆکسل لەگەڵ لقی ٦ی پارتی دیموکراتی کوردستان کۆبونەوە

شاندی ناوەندی ڕەوەندی کوردستانی-برۆکسل، لەسەر بانگهێشتی فەرمیی لقی ٦ی ئەوروپای پارتی دیموکراتی کوردستان، بەشداری کۆبونەوەیەکیان کرد.

رۆژی شەممە رێکەوتی ٢٣ی ئازار، بە سەرپەرشتی جیهانگیر دۆڵەمەری بەرپرسی ناوەندی ڕەوەندی کوردستانی-بڕۆکسل و شاندی یاوەری، کە پێکهاتبون لە ئەترانیک شاهین، مستەفا شاکر، شوان مستەفا بێتکاری، بۆغۆس نیشان، بەشدارییان لە کۆبونەوەیەکی لقی ٦ی پارتی دیموکراتی کوردستان کرد، کە تێیدا لە لایەن سەرهەد غەفووری بەرپرسی لق و کارگێڕانی لقی ناوبراو، سەگڤان ساڵح و عومەر زاوێتەیی و سدقی تروانشی پێشوازییان لێکرا.

لە کۆبونەوەکەدا بەڕێز دکتۆر دیار محمد امین ئەندامی لیژنەی ڕاوێژ لە کۆنفیدراسیۆنی ڕەوەندی کوردستانی ئامادە بوو.